Startseite

Willkommen bei der Unruhbräu in Ochsenfurt.

Schö, das`d in der unendlichn Weite des Web uner Seitn gfundn hast. Nimm Dä ruhig a bisle Zeit und schau Di in Ruh um. Zum trinka kriegst aber leider nix !

Mir ? - Des sin der Klaus der Markus und der Bubu

Wo ? - In der "Unruhhütte" in Ochsenfurt

Wie ? - Mir braua nach alter Tradition im Maischeverfahren

Was ? - Fränkisch Bilsla, Wess, Schwarza Peter oder Günnies

Wieviel ? - Mir braua 3-5 mol im Johr ca. 50l

Was noch ? - Mir erweitern und modernisiera ständich unere Brau-Aberate

Mir sin Freunde der "handwerklichen Braukunst" und ham scho seit ä paar Jahr Erfahrunga mit`m Bierbraun gsammelt. Uner erschtes Ziel is es, nach alta Brauertradition, Bier zu braua, des vor allem uns schmeckt. Wem`s sunst no schmeckt, der kennt si halt aus.

Die Idee is entstandn bei äm gemütlichn Abend. Da hat a Freund aus der Steiermark gsagt.

BUBU - Mir müss`n mehr unabhängig von unerer Weiba wern! Mir müss`n a paar lebenswichtige Sach`n selber mach könn.

Und zwar:

Bierbrau - Wurscht mach - Käs mach - Brot back - Schinka räucher - Schnaps brenn ...

Weil es Schnaps brenn Steuer kost un ganz schö aufwendig is, ham mer des bleiba glassn. Aber des anere ham mir mittlerweile voll im Griff.

Aber des Bierbraun - Des hat fei scho was... - Und so ham mir beim erschten MMS-Tag (Mach-Mer-Selber-Tag) die Liebe zum Bierbraun gefundn. Ab und zu packt uns dann die Lust a g`scheits Bier zu brau`n. Dann hol mer uns beim Winfried Zippel (Kellerbräu in Seinsheim) Hopfen und Malz un scho gehts los.